जापानमा "साहित्य श्रृंखला"को शुभारम्भ

नेपाली भाषा, कला र साहित्यप्रति रुचि राख्ने जापानवासी नेपालीहरुको नियमित भेटघाटका निम्ति अन्तर्राष्ट्रिय नेपाली साहित्य समाज (अनेसास) जापानले आईतवार टोकियोमा "साहित्य श्रृंखला" को प्रारम्भ समाजका सल्लाहाकारहरुले आ-आफ्ना रचना वाचन तथा सामुहिक दिप प्रज्वलन गरी शुरु गरियो ।

महासचिव दिनेशराज ज्ञवालीको संचालनमा भएको प्रारम्भिक कार्यक्रममा अनेसास जापानका हालसम्मका सल्लाहाकार क्रमस दुबसु क्षेत्री, पाण्डवराज कार्की, डा. कुमार बस्नेत र बेदप्रसाद पौडेलले आ-आफ्ना रचना वाचन र सामुहिक दीप प्रज्वलनकासाथ अनेसास जापानले नेपाली डायस्पोरा साहित्यमा पहिलो पल्ट नियमित साहित्यिक जमघटका निम्ति "साहित्य श्रृंखला"को शुरुवात गरेको जानाकारीका साथ कार्यक्रम अगाडि बढेको थियो ।

"साहित्य श्रृंखला" तथा अनेसास जापानका भावीकार्यक्रमहरुबारे अनेसास जापानका अध्यक्ष बेलु थापाले जानाकारी दिदै हाइकु तथा गीत सुनाउनु भएको थियो ।

रचना वाचनमा कुमार सिंखडाले पुस्तक समिक्षा, पुस्करजंग थापा-कविता, सुष्मा ओमाता-कविता, चण्डि सुवेदी-मुक्तक, तांका, बिष्णु खत्री-गित, मुक्तक, दिनेशराज ज्ञवाली-गजल, प्रकाश पौडेल"माईला"गजल, हाईकु, शसि बिश्वकर्मा-कविता, तिलक मल्ल-कविता (प्राप्त) आलोक चालिसे-निवन्ध, हाईकु, पारशमणी पोखरेल-गित (प्राप्त) हुनुहुन्थ्यो ।

कार्यक्रमको अन्तमा वाचित रचनाहरुमाथि पाण्डवराज कार्कीले समिक्षा गर्नुभएको थियो । अनेसास जापानका भावी कार्यक्रमहरुबारे छलफल पश्चात आगामी "साहित्य श्रृंखला-२" जापानको साकुरा पुष्प अवलोकन (हानामी) को अवसरमा साकुराको बोटमुनी गरिने कुरा समाजका सचिव आलोक चालिसेले जानाकारी गराउनुभयो । कार्यक्रमको समापन अन्तर्राष्ट्रिय नेपाली साहित्य समाज जापानका अध्यक्ष बेलु थापाले मन्तव्य तथा मुक्तक वाचन साथ गर्नुभएको थियो ।